ivarorn.net

Eiður bara orðinn 2ja mánaða ( og 5 daga ) gamall! Ég fór með hann í 9 vikna skoðun í síðustu viku. Eiður brosti bara og spjallaði við ljósuna allan tímann. Annars er mikið að gerast hjá litla kútnum þessa dagana. Bros, hjal og hlátur sem bræða mann í hvert skiptið á fætur öðru. Á sunnudaginn fór hann í fyrsta skipti með okkur í sveitina til Kjartans afa og Hrefnu ömmu og svo fórum við helgina þar á undan með hann í sveitina til Helga afa og Kristínar fræknu. Hann hefur ekki stoppað í því að segja okkur frá öllu sem hann sá í sveitinni

Svakalega er tíminn fljótur að líða. Fyrstu samfellurnar orðnar of litlar og kílóin hrannast upp á litla skrokkinn ( kominn í tæp 5 kíló ). Í dag varð litli kúturinn okkar eins mánaða gamall. Ég því miður byrja svo aftur að vinna á morgun, en tek mér svo aftur leyfi í júlí - ágúst.

Í morgun kom ljósmóðirin til okkar og skoðaði kútinn í fyrsta skipti. Þegar við fórum heim af fæðingardeildinni vorum við eitthvað hálf stressuð yfir því að hann hefði lést um 300 grömm frá fæðingarþyngdinni, en í morgun stóð hann í 3800 grömmum sem er rúmleg fæðingarþyngdin. Svínvirkar þessi brjóstamjólk. Spurning hvort ég fari ekki bara á sama fæði og hætti að éta þetta helvítis prótein.

Loksins. Mætti í heiminn 10:08 að morgni 11.apríl 2008. 15merkur og 50cm. Klöru líður bara vel, og kúturinn gerir fátt annað en að sofa, drekka og vera hrikalega sætur. Það er svo sannarlega hægt að segja að þetta sé yndislegt líf. Mun skjóta inn nokkrum myndum á myndavefinn næstu daga.

Svona líta sem sagt herlegheitin út eftir 40 vikur og 2 daga. Núna eru öll trix í bókinni reynd. Sterkur matur, Heiðmörkin keyrð á 60 með það að markmiði að ná að keyra í allar holurnar. Álfhólsvegurinn í Kópavogi rúntaður fram og til baka, en þar eru einmitt 70% af öllum hraðahindrunum í Kópavogi samankomnar í sömu götuna. Endilega skjótið á okkur ráðum ef þið lumið á einhverju sem virkar.

Smellti af nokkrum myndum af fallegu konunni minni og Fetusi Inga verðandi syni mínum um helgina. Fetus Ingi er það vinnuheiti sem við kusum okkur að kalla hann á meðan hann væri ekki kominn með nafn, enda með eindæmum lýsandi vinnuheiti.

Þá eru vikurnar orðnar 37. Mestallt er að verða klárt fyrir litla kút og hver einasti frídagur er notaður til að sofa út.

Part 1

Part 2

Skellti mér um helgina til Bretlands þar sem ég tók þátt í Tough Guy. Keppnin samanstendur af víðavangshlaupi, brekkuhlaupi, klifri, sundi og öllu þessu skemmtilega sem maður gerði þegar maður var lítill strákur, nema heimfært upp á level fyrir fullorðna. Mótið er haldið tvisvar sinnum á ári, einu sinni yfir sumarið og svo á veturna. Núna voru keppendur í kringum 3.500. Boot Camp fór með 14 manna lið og kláruðum við bara á ágætis tíma. Fleiri myndir hér. Úrslitin verða skráð á vefnum hjá Tough Guy á næstu dögum. Daði setti líka saman svona líka flott vídjó.

Jæja… það er ekki hægt að segja annað en að það sé mikið að gerast hjá okkur hjónunum þessa dagana. Svona fyrir þá sem vissu ekki þá er Klara komin 26 vikur á leið með lítinn pippaling í mallanum. Hann hefur hlotið vinnuheitið “Grettir” og gerir fátt annað þessa dagana en að snúa sér og sparka í móður sína. Áætluð dagsetning á kútinn er 6. apríl 2008. Yndislegt þetta líf.