Mamma og Eiður, originally uploaded by Ívar Örn.

Megnið af 16. mánuðinum hjá Eiði fór í sumarfrí. Við skelltum okkur í Þjórsárdal þar sem við gistum á tjaldstæðinu Selfit. Svo fórum við í sund í Þjórsárlaug og skoðuðum Þjóðveldisbæinn Stöng. Við feðgarnir fórum í svakalega skemmtilegan 7km göngutúr í kringum tjaldstæðið sem reyndar endaði með því að kúturinn öskraði og sparkaði í mig þar sem ég labbaði ekki nógu hratt til baka. Eftir Þjórsárdalinn héldum við í Landmannalaugar þar sem rigndi eldi og brennisteini allann tímann. Sem betur fer vorum við í tjaldvagni þannig að það fór bara frekar vel um okkur.

Úti í náttúrunni, originally uploaded by Ívar Örn.

Eiður verður öruggari með sig með hverjum deginum sem líður og hættir sér alltaf lengra og lengra frá okkur í skoðunartúrunum sínum.

Gengið frá, originally uploaded by Ívar Örn.

Ferðalagið var síðan endað við Seljarlandsfoss þar sem við gistum eina nótt og héldum heim á leið daginn eftir rétt eftir að Eiður var búinn að pakka dótinu saman.

Svona almennt séð dafnar hann vel og skemmtir sér konunglega á leikskólanum. Hann varla tekur sér tíma í að kveðja okkur foreldrana þegar það er farið með hann á morgnana, en tekur alltaf á móti okkur með brosi og risa knúsi þegar hann er sóttur. Í tannafréttum er það helst að engin tönn kom í þessum mánuðinum.

Frekja?, originally uploaded by Ívar Örn.

Ákveðinn er hann eins og mamma sín og fær sínu frammgengt. Á leikskólanum lærði hann þetta trikk til að leggja áherslu á hlutina.

Veikindasagan hélt áfram og þurfti hann að kíkja í heimsókn til heimilislæknisins 2svar sinnum í viku í 1/2 mánuð til að hreinsa úr eyrunum og svo fékk hann dropa með því. En nú er hann kominn yfir mesta ruglið og er miklu hressari.